ரேசர் : சினிமா விமர்சனம்

நடிகர்: அகில் சந்தோஷ்
நடிகை: லாவண்யா
டைரக்ஷன்: சாட்ஸ் ரெக்ஸ்
இசை: பரத் ஒளிப்பதிவு : பிரபாகர்

சிறுவயதிலிருந்தே நாயகன் அகில் சந்தோசுக்கு மோட்டார் சைக்கிள் பந்தய வீரர் ஆக வேண்டும் என்று அளவற்ற ஆசை. குடும்ப சூழலால் காரணமாக அது நிறைவேறாமல் போகிறது. பின்பு வளர்ந்து கார் கம்பெனியில் வேலை செய்கிறார். ஒரு வழியாக கடன் பெற்று பைக் வாங்குகிறார். அதன்பிறகு மீண்டும் பைக் ரேசர் ஆசை துளிர்கிறது. உதாரணமாக தெருவில் நடக்கும் சாதாரண மோட்டார் பந்தய போட்டியில் பங்கேற்று பரிசும் பெறுகிறார். இதை தொடர்ந்து பெரிய போட்டியில் பங்கேற்க தேர்வாகிறார்கதாநாயகன். ஆனால் அவர் தந்தைக்கு பைக் பந்தயம் சுத்தமாக பிடிக்கவில்லை. இன்னோரு பக்கம் சில வீரர்கள் பொறாமையால் அகில் சந்தோசுக்கு பகையாளிகளாக மாறுகிறார்கள். இதையெல்லாம் மீறி போட்டியில் பங்கேற்று வெற்றி பெற்றாரா? இல்லையா என்பததே மீதி கதை..

நாயகன் அகில் சந்தோஷ் கதாபாத்திரத்தில் கன கச்சிதமாக பொருந்தியுள்ளார்.குறிப்பாக லட்சிய கனவை மனதுக்குள்ளேயே புதைப்பது. தந்தையின் பாசமான கண்டிப்புக்கு அடங்கி போவது, காதலில் உருகுவது, பைக் ரேசில் அவமானங்களை எதிர்கொள்வது. முக்கியமாக ஹாஸ்பிடலில் தந்தையை பார்க்க அழுது துடித்து ஓடுவது என்று உணர்வுப்பூர்வமான நடிப்பை மிக அருமையாக வெளிப்படுத்தியிருக்கிறார்.

கதாநாயகி லாவண்யா சிறிது நேரம் வந்தாலும் பார்வையாளர்களை அழகில் வசீகரிக்கிறார். குறிப்பாக மகன் விருப்பங்களுக்கு எதிராக இருந்தாலும் பாசக்கார தந்தையாக மனதில் நிற்கிறார் சுப்பிரமணியன். நாயகனின் அம்மாவாக வரும் பார்வதி, நண்பர்களாக வரும் சரத், நிர்மல், சதீஷ், பைக் மெக்கானிக் ஆறுபாலா, பைக் ரேஸ் பயிற்சியாளர் அனீஸ், வில்லன் அரவிந்த் என அனைவரும் தங்களின் கதாபாத்திரங்களுக்கு தேவையான நடிப்பை வழங்கி உள்ளனர்.
படத்தில் நிஜ பைக் ரேஸ் வீரர்கள் நடித்து இருப்பது கதைக்கு வலிமை சேர்க்கிறது.

ஒரு இளைஞனின் லட்சியம், குடும்ப உறவுகள், காதல், மோதல், ரேஸ் என்று அனைத்து கமர்ஷியல் விஷயங்களையும் வைத்து நேர்த்தியான படத்தை கொடுத்திருக்கிறார் இயக்குனர் டைரக்டர் சாட்ஸ் ரெக்ஸ். பரத் இசையில் பாடல்கள் கேட்கும் ரகம். பிரபாகர் கேமரா பைக் பந்தயத்தை விறுவிறுப்பாக படமாக்கி உள்ளது.

திரைக்கதையை இன்னும் விறுவிறுப்பாக்கி இருக்கலாம்.