மக்களின் கவனத்தை ஈர்த்த ‘ஃபர்ஹானா’ டீசர்

தமிழ் சினிமாவில் தற்போது நல்ல கதைகளுக்கு மக்களிடையே வரவேற்பு கிடைத்து வருகிறது. அந்த விதத்தில் தமிழ் சினிமாவில் மான்ஸ்டர்’, ‘ஒரு நாள் கூத்து’ போன்ற படங்களை இயக்கி ரசிகர்கள் மத்தியில் பேசப்படும் இயக்குனராக இருப்பவர்தான் இயக்குனர் நெல்சன் வெங்கடேசன். இவரது இயக்கத்தில் உருவாகி வெளியாகியுள்ள படம்தான் ‘ஃபர்ஹானா’. இந்த திரைப்படத்தில் நடிகை ஐஸ்வர்யா ராஜேஷ் முன்னணி கதாபாத்திரத்தில் நடித்திருக்கிறார் என்பது குறிப்பிடத்தக்கது. மேலும், இந்த திரைப்படத்தில் இயக்குனர் செல்வராகவன், ஜித்தன் ரமேஷ், கிட்டி, அனுமோல், ஐஸ்வர்யா தத்தா உள்ளிட்ட பலர் முக்கிய கதாபாத்திரத்தில் நடித்திருக்கிறார்கள். ட்ரீம் வாரியர் பிக்சர்ஸ் தயாரித்துள்ள இத்திரைப்படத்திற்கு ஜஸ்டின் பிரபாகரன் இசையமைத்துள்ளார். ‘சமீபத்தில் ஃபர்ஹானா’ படத்தின் ஃபர்ஸ்ட் லுக் போஸ்டர் மற்றும் பாடல்கள் வெளியாகி வைரலானது. இதனையடுத்து இப்படத்திற்கு தணிக்கைக் குழு யு/ஏ சான்றிதழ் வழங்கியுள்ளது. இதையடுத்து இப்படத்தின் டீசர் இன்று மாலை 5 மணிக்கு வெளியாகும் என படக்குழு அறிவித்திருந்த நிலையில் அதன்படி, ‘ஃபர்ஹானா’ படத்தின் டீசர் தற்போது வெளியாகியுள்ளது. கால்சென்டரில் வேலை பார்க்கும் நடுத்தரவர்க்கத்து பெண்ணின் கஷ்டத்தை வெளிப்படுத்துவது போல் உருவாகியுள்ள இந்த டீசர் இணையத்தில் வெளியாகி ரசிகர்களின் கவனம் ஈர்த்து வருகிறது.