இந்தியாவில் முதன் முறையாக மறுசீரமைப்புடன் எண்டோஸ்கோபிக் மாஸ்டெக்டோமி (மார்பக நீக்க) சிகிச்சையை வெற்றிகரமாக செய்திருக்கும் அப்போலோ புரோட்டான் கேன்சர் சென்டர்

சென்னை, 27 ஜனவரி 2025 – அப்போலோ புரோட்டான் கேன்சர் சென்டர் (APCC), மார்பக புற்றுநோய் பாதித்த 46 வயதான நோயாளி மீது இந்தியாவில் முதன் முறையாக எண்டோஸ்கோபிக் வழிமுறையில் மறுசீரமைப்புடன் மாஸ்டெக்டோமி (மார்பக புற்றுக்கட்டியை அகற்றும்) அறுவைசிகிச்சையை செய்து ஒரு புதிய சாதனையை பதிவு செய்திருக்கிறது. மார்பக அழகை பாதிக்காமலும் மற்றும் விரைவாக குணமடைவதை உறுதி செய்யவும் ஒரு புதிய அறுவைசிகிச்சை புத்தாக்கத்தோடு புற்றுக்கட்டியை திறம்பட அகற்றியிருப்பதன் மூலம் மார்பக புற்றுநோய்க்கான சிகிச்சையில் ஒரு புதுயுகம் பிறந்திருப்தை இந்த புரட்சிகர செயல்முறை குறிக்கிறது.

46 வயது பெண்மணியான திருமதி. ரம்யா (பெயர் மாற்றப்பட்டுள்ளது) என்ற நோயாளிக்குஆரம்பநிலை மார்பக புற்றுக்கட்டி இருப்பது உறுதி செய்யப்பட்டபோது அப்பெண்ணின் வாழ்க்கையில் அதிக சவாலான தருணத்தை அவர் எதிர்கொள்ள நேர்ந்தது. அச்சம், நிச்சயமற்ற தன்மை மற்றும் அவரது எதிர்காலம் குறித்த பெரும் கவலை ஆகியவற்றோடு அவரது உடலிலும், அடையாளத்திலும் இது ஏற்படுத்தப்போகும் மாற்றங்கள் என பலவித உணர்வுகளை இது அவரிடம் உருவாக்கியது. அவரது சூழ்நிலையில் இருக்கக்கூடிய பல பெண்களைப் போலவே பெண்மை மற்றும் நம்பிக்கையின் அடையாளமாக இருக்கக்கூடிய தனது மார்பகத்தை இழக்க நேரிடுமோ என்ற சிந்தனைகள் அவருக்கு கவலையையும், துயரத்தையும் ஏற்படுத்தின.

மார்பகத்தை அகற்றாமல் தக்க வைக்கும் அறுவைசிகிச்சைக்கு உரிய தகுதிநிலை அவருக்கு இல்லாததன் காரணமாக மார்பகத்தை அகற்றும் சிகிச்சையை மேற்கொள்ளுமாறு தொடக்கத்தில் இப்பெண்ணிற்கு அறிவுறுத்தப்பட்டது. எனினும் மார்பகத்தை தக்க வைத்துக் கொண்டு முழுமையான பெண்ணாக மீண்டும் உணர்வதற்கு உதவக்கூடிய வாய்ப்புகளை ஆராய்வதில் திருமதி. ரம்யா மிக உறுதியோடு இருந்தார். முழு மார்பக மறுகட்டமைப்பு சிகிச்சை மீது முனைப்புடன் இருந்த அவருக்கு இதற்கான சாத்தியங்களை புரிந்து கொள்ள வழிகாட்டல் தேவைப்பட்டது. டாக்டர். மஞ்சுளா ராவ் இதுகுறித்து கலந்தாலோசிக்கும்போது அனுபவமிக்க அந்த மருத்துவ நிபுணரோடு கலந்தாலோசித்தபோது நிபுணத்துவ ஆலோசனையோடு சிறந்த புரிந்துணர்வும் மற்றும் நம்பிக்கையும் அவருக்கு கிடைத்தது. எண்டோஸ்கோபிக் முறையில் மார்பகத்தின் மறுசீரமைப்புடன் மார்பக புற்றுக்கட்டியை மட்டும் அகற்றும் ஒரு புதுமையான சிகிச்சை செயல்முறை குறித்து டாக்டர் மஞ்சுளா அவருக்கு கவனமாக விளக்கிக் கூறினார். புற்றுநோய்க்கு திறன்மிக்க சிகிச்சையோடு அவரது மார்பகத்தின் இயற்கையான தோற்றத்தை தக்க வைக்கும் இரட்டை ஆதாய வாய்ப்பை, குறைவான ஊடுருவல் கொண்ட இந்த சிகிச்சை செயல்முறை திருமதி. ரம்யாவிற்கு வழங்கியது. இதை நன்கு புரிந்து கொண்ட திருமதி. ரம்யா இச்செயல்முறையை மேற்கொள்வது என்ற தைரியமான முடிவை எடுத்தார்.

அவரது வாழ்க்கையில் ஒரு திருப்பு முனையாக அமைந்த இந்த முடிவு அச்சத்திற்கு பதிலாக தைரியத்தையும், நம்பிக்கையையும் அவரது மனதில் நிரப்பியது.

புற்றுச் செல்கள் பாதித்துள்ள திசுவை அகற்றும் அதே வேளையில், முலைக்காம்பையும் மற்றும் அதைச் சுற்றியுள்ள முகட்டு வட்டத்தையும் அகற்றாமல் தக்க வைக்கும் வாய்ப்பிற்கு இந்த அணுகுமுறை உதவியது. இதன் மூலம் மிகவும் இயற்கையாக தோற்றமளிக்கிற மார்பக மறுகட்டமைப்பிற்கு வழிவகுத்த இச்செயல்முறை, மார்பக அழகை மேம்படுத்துவதாகவும் அமைந்தது. குறைந்த ஊடுருவலுள்ள மார்பக அறுவைசிகிச்சையான இதில் புற்றுக்கட்டி பாதிப்புள்ள மார்பகப்பகுதி மட்டும் அகற்றப்படும்; இந்த அறுவைசிகிச்சையின்போது புற்றுச் செல்கள் இருக்கின்றனவா என்று அறுவைசிகிச்சை செய்யும் அதே நேரத்திலேயே முலைக்காம்பிற்கு பின்பகுதியிலுள்ள திசுக்கள் பரிசோதிக்கப்படும்; அவை இருப்பது கண்டறியப்படுமானால் முழுமையான சிகிச்சையை உறுதி செய்ய மார்பக முலைக்காம்பு அகற்றப்படும்.

மார்பக ஆன்கோபிளாஸ்டிக் அறுவைசிகிச்சை நிபுணரான டாக்டர். மஞ்சுளா ராவ் இது தொடர்பாக கூறியதாவது: “எண்டோஸ்கோபிக் முறையில் புற்று பாதிப்புள்ள மார்பகத்தை அகற்றும் மற்றும் மறுசீரமைப்பு செய்யும் செயலாக்கம் அதிக திருப்தியளிப்பதாக இருந்தது. நோயாளி விரைவாக குணமடைந்து இயல்பு நிலைக்கு மீள்வதை காண்பது பெருமகிழ்ச்சியளிக்கிறது. எமது நோயாளிகளின் உணர்வு ரீதியான மற்றும் அழகியல் சார்ந்த கவலைகளுக்கு தீர்வுகாணும் அதே வேளையில் திறம்பட புற்றுநோய்க்கு சிகிச்சையளிப்பது மீது இதில் கூர்நோக்கம் செலுத்தப்படுகிறது.”

இந்த சிகிச்சை நேர்வில் புதுமை என்னவென்றால், எண்டோஸ்கோபிக் வழிமுறை மூலம் மார்பக நீக்க சிகிச்சை செய்யப்பட்டது. மிக குறைந்த ஊடுருவலுள்ள இந்த உத்தியில் மார்பக மடிப்புகளுக்குள் மறைக்கப்படுகிற ஒரு சிறிய கீறல் வழியாக புற்றுத்திசு அகற்றப்படுகிறது. மிக குறைவான வலியுடன் விரைவாக குணமடைந்து இயல்பு நிலைக்கு திரும்பும் சௌகரியத்தை இந்த உத்தி வழங்குகிறது. புற்றுநோய்க்கு சிகிச்சையளிக்கும் அதே நேரத்தில் மேம்பட்ட அழகியல் பாதுகாப்பையும் இது உறுதி செய்கிறது. குறைவான ஊடுருவலுள்ள மார்பக அறுவைசிகிச்சை (MIBS) பிரிவில் இது மற்றுமொரு முன்னேற்றமாகவும், நோயாளிகளுக்கான விருப்பத்தேர்வாகவும் இருக்கிறது. மார்பக புற்றுநோயால் அவதியுறும் பெண்கள், அறுவைசிகிச்சை முறைகளில் நிகழ்ந்திருக்கும் முன்னேற்றங்களினால் ஆதாயமடைவதற்கு இது வழிவகுக்கிறது.

புற்றுநோய் பாதிப்பை வென்றிருக்கிற திருமதி. ரம்யா இது குறித்து கூறியதாவது: “புற்றுநோயின் காரணமாக எனது உடலின் ஒரு முக்கிய பகுதியை இழப்பது பற்றி நான் கவலைப்பட்டேன்; ஆனால் இந்த மருத்துவச் செயல்முறை எனக்கு நம்பிக்கையையும், தைரியத்தையும் தந்தது. இச்சிசிச்சையை மேற்கொண்ட மருத்துவருக்கும் மற்றும் அப்போலோவின் ஒட்டுமொத்த குழுவினருக்கும் அவர்களது கனிவான பராமரிப்பு மற்றும் நிபுணத்துவ சிகிச்சை செயல்முறைக்காக எனது மனமார்ந்த நன்றியை தெரிவித்துக் கொள்கிறேன்.”

அப்போலோ ஹாஸ்பிட்டல்ஸ் எண்டர்பிரைசஸ் லிமிடெட்-ன் குழும புற்றுநோயியல் மற்றும் இண்டர்நேஷனல் பிரிவின் தலைவர் திரு. தினேஷ் மாதவன் இது தொடர்பாக பேசுகையில், “இந்தியாவில் முதன் முறையாக எண்டோஸ்கோபிக் வழிமுறையில் மார்பக புற்றுநோய் பாதித்த மார்பகப் பகுதியை மட்டும் அகற்றுவது மற்றும் மார்பகத்தின் மறுசீரமைப்பு செயல்முறையின் அறிமுகம், புற்றுநோய் சிகிச்சையில் புத்தாக்கம் மற்றும் நேர்த்தி மீது நாங்கள் கொண்டிருக்கும் தளராத அர்ப்பணிப்பை பிரதிபலிக்கிறது. முன்னோடித்துவமான இந்த உத்தியானது பயனளிக்கும் திறன்மிக்க புற்றுநோய் சிகிச்சையை உறுதி செய்கிறது; அத்துடன் நோயாளிகளின் உணர்வு ரீதியான, அழகியல் சார்ந்த தேவைகளையும் பூர்த்தி செய்து அவர்களுக்கு தைரியத்தையும், நம்பிக்கையையும் வழங்குகிறது. அப்போலோ புரோட்டான் கேன்சர் சென்டரில், மருத்துவச் சிகிச்சை விளைவுகள் மற்றும் வாழ்க்கைத்தரம் ஆகிய இரண்டுக்கும் முன்னுரிமையளிக்கிற உலகத்தரம் வாய்ந்த சிகிச்சையை வழங்குவதே எமது தினசரி செயல்பாடாக இருக்கிறது. நோய் பாதிப்பிலிருந்து மீண்டு நலமுடன் வாழ்க்கை பயணத்தை மேற்கொள்ள சாத்தியமுள்ள சிறந்த சிகிச்சையை ஒவ்வொரு நோயாளியும் பெறுமாறு செய்வதே எமது செயல்திட்டமாகும்” என்று கூறினார்.

மார்பக புற்றுநோய் என்பது, உலக சுகாதார நிறுவனத்தின் மதிப்பீட்டின்படி உலகளவில் பெண்கள் மத்தியில் மிக அதிகமாக காணப்படும் புற்றுநோயாக இருக்கிறது. ஒவ்வொரு ஆண்டும் 2.3 மில்லியன் நபர்கள் புதிதாக இதனால் பாதிக்கப்படுகின்றனர்.

இந்தியாவில் இவ்வகையினத்தில் முதன்முறையாக வெற்றிகரமாக மேற்கொள்ளப்பட்டிருக்கும் இம்மருத்துவச் செயல்முறையானது தனிப்பயனாக்கப்பட்ட சிகிச்சையை பெறுவதன் முக்கியத்துவத்தை அடிக்கோடிட்டுக் காட்டுகிறது; மருத்துவ தொழில்நுட்பத்தில் நிகழ்ந்துள்ள முன்னேற்றங்கள் எப்படி புற்றுநோயாளிகளின் உடல்சார்ந்த மற்றும் உணர்வு சார்ந்த தேவைகளை பூர்த்தி செய்கின்றன என்பதை இச்செயல்முறையின் வெற்றி காட்டுகிறது. அறுவைசிகிச்சையில் புத்தாக்க உத்திகளை பயன்படுத்துவது மீது அப்போலோ புரோட்டான் கேன்சர் சென்டர் கொண்டிருக்கும் பொறுப்புறுதியானது, மார்பக புற்றுநோயில் சமீபத்திய சிகிச்சைகளை பெறுவதற்கான வசதி நோயாளிகள் அனைவருக்கும் இருப்பதை உறுதி செய்கிறது. இதன் மூலம் அவர்களின் வாழ்க்கைத் தரத்தையும், சிகிச்சை விளைவுகளையும் அப்போலோ கணிசமாக மேம்படுத்தி வருகிறது.

#புற்றுநோயை வெற்றி காண்பது

அப்போலோ புரோட்டான் கேன்சர்  சென்டர் (APCC), சென்னை, இந்தியா குறித்து:r
அப்போலோ புரோட்டான் சென்டர் என்பது, மிக நவீன புற்றுநோய் சிகிச்சை மையமாகும்.  இது, தெற்காசியா மற்றும் மத்தியகிழக்குப் பிராந்தியத்தில் முதல் புரோட்டான் தெரபி சென்டர் என்ற பெருமைக்குரியது. JCI அங்கீகாரம் பெற்ற இந்தியாவின் முதல் புற்றுநோய் சிகிச்சை மருத்துவமனையாகவும் இது திகழ்கிறது.  புற்றுநோய்க்கு சிகிச்சையளிப்பதற்கான APCC – ன் அணுகுமுறையின் அடித்தளமாக இருப்பவர்கள் அதன் வலுவான பல்வேறு துறைகளைச் சார்ந்த செயல்தளம் மற்றும் ஒரு புற்றுநோய் மேலாண்மை குழுவாக (CMT) உருவாக ஒன்றிணையும் அதிக திறன்மிக்க மருத்துவ நிபுணர்கள்.  ஒவ்வொரு CMT – யும், அவர்களது நோயாளிகளுக்கு சாத்தியமுள்ள மிகச்சிறந்த சிகிச்சை விளைவுகளை வழங்குவது மீது சிறப்பு கவனம் செலுத்துகிறது.  இந்தியாவில் முதல் மற்றும் ஒரே அமைவிடத்திற்குரிய – ரோபோட்டிக் புற்றுநோயியல் செயல்திட்டம் என்ற இதன் சமீபத்திய அறிமுகம் அப்போலோ புரோட்டான் கேன்சர் சென்டரின் திறனை இன்னும் சிறப்பாக மேம்படுத்தியிருக்கிறது. உள்நாட்டைச் சேர்ந்த மற்றும் பிற நாடுகளைச் சேர்ந்த அனைத்து நோயாளிகளும் எமது பிரத்யேக நோயாளி தொடர்பு உதவி எண்: 04048964515 என்பதில் எங்களை தொடர்பு கொள்ளலாம். 24 X 7 அடிப்படையில் நாங்கள் சேவையாற்றுகிறோம்.

ஊடக விசாரணைகள் அல்லது மேலும் தகவலுக்கு, தயவுசெய்து தொடர்பு கொள்ளவும்: MSL

நந்த கோபால் | nanda.gopal@mslgroup.com | 9176218089